Волейбольный турнир в Шумилино на призы «Белой Руси» приобрёл международный статус

Актуалии Спорт

На прызы “Белай Русі”

Адкрыты кубак Шумілілінскага раёна па валейболе сярод кіруючых работнікаў на прызы раённай арганізацыі ГА “Белая Русь”, які прайшоў у пачатку сакавіка, выйшаў на міжнародны ўзровень – у спаборніцтвах брала ўдзел каманда Велікалуцкага раёна. Сяброўскія сувязі паміж Шумілінскім і Велікалуцкім (Расія) раёнамі дапоўніліся і спартыўнымі стасункамі.

З вітальным словам да ўдзельнікаў спаборніцтваў звярнуўся старшыня Шумілінскага райвыканкама Алег Быкаў. Начальнік аддзела па фізічнай культуры, спорце і маладзёжнай палітыцы адміністрацыі Велікалуцкага раёна Генадзь Якаўлеў падзякаваў арганізатарам турніру за запрашэнне і адзначыў, што спартыўныя сувязі павінны стаць добрай традыцыяй. Ён выказаў надзею, што цесныя стасункі ўсталююцца і паміж спартыўнымі школамі двух раёнаў.

За кубак змагаліся чатыры каманды – валейбалісты з Шумілінскага, Бешанковіцкага, Лёзненскага і Велікалуцкага раёнаў. Каманды добра падрыхтаваліся да спаборніцтваў і паказвалі цікавую гульню. Ухвальных слоў заслужыла шумі-лінская зборная, капітанам якой быў намеснік старшыні райвыканкама Руслан Насцюшкін. Каманда ўпэўнена вяла ўсе сустрэчы і, атрымаўшы тры перамогі, выйграла кубак. Валейбалісты з Лёзненскага раёна сталі другімі, таксама прадэманстраваўшы добрую гульню. Праўда, у рашаючай сустрэчы супраць шумілінцаў ім не хапіла падрыхтоўкі і ўдачы. На п’едэстал паднялася і каманда з Расіі. Велікалуцкія валейбалісты прыбаўлялі ў кожнай гульні. І перамогу, якая дазволіла стаць трэцімі, вырвалі ва ўпартай барацьбе з бешанковіцкімі спартсменамі.

Надрукавана ў №20 ад 12.03.2019 г.