Geely для ЕўрагульняўСЗАТ “БелДжы”, беларуска-кітайскае сумеснае прадпрыемства па зборцы аўтамабіляў Geely, прадаставіла 10 аўтамабіляў Geely ATLAS для транспартнага забеспячэння падрыхтоўкі і правядзення II Еўрапейскіх гульняў. Аўтамабілі былі ўрачыста перададзеныя фонду “Дырэкцыя II Еўрапейскіх гульняў 2019 года” ў прысутнасці гасцей цырымоніі.
Выкарыстанне аўтамабіляў беларускай вытворчасці лагічна як з пункту гледжання фарміравання краінавага іміджу, так і з пункту гледжання забеспячэння камфорту замежных гасцей. “Дырэкцыя II Еўрапейскіх гульняў” ужо каля трох месяцаў выкарыстоўвае Geely ў сваёй дзейнасці і ніякіх нараканняў па якасці іх працы няма.
Акрамя таго, аўтамабілі Geely будуць выкарыстоўвацца ў рабоце сэрвісу Games Taxi (Таксі Гульняў), якім павінны быць забяспечаны кліенцкія групы па ўмовах кантракту горада-арганізатара і Еўрапейскіх алімпійскіх камітэтаў.
Аляксандр ШЭДЗЬКО.
Надрукавана ў №44 ад 07.06.2019 г.
