Малебен за здароўе вучняўТрадыцыя здзяйсняць малебен на пачатак вучэння даволі старажытная, раней яго здзяйснялі перад пачаткам вывучэння Закона Божага ці Свяшчэннага Пісання. Потым дату перанеслі на канец жніўня – пачатак верасня, калі вучні вяртаюцца пасля канікулаў у школы, каледжы, універсітэты і іншыя навучальныя ўстановы. Гэта асаблівы чын, у якім вернікі просяць Божай дапамогі ў разуменні добрага і карыснага для душы вучэння, а таксама малебен за здароўе навучэнцаў і іх настаўнікаў.
1 верасня, у нядзелю, пасля Боскай літургіі ў храмах Шумілінскага благачыння пройдуць малебны за здароўе і поспехі ўсіх, хто спасцігае веды:
у 11.00 малебен пачнецца ў храме Свячшэннапакутніка Афанасія Брэсцкага ў г. п. Шуміліна;
таксама ў 11.00 малебен да новага навучальнага года будзе здзяйсняцца ў храме Святога Ануфрыя Вялікага ў г. п. Обаль.
Фёдар ПУЧЫНСКІ, благачынны цэркваў Шумілінскай акругі, пратаіерэй.
Надрукавана ў №68 ад 30.08.2019 г.
