Яўка выбаршчыкаў па краіне склала 77,22%
Па папярэдніх дадзеных Цэнтрвыбаркама, яўка выбаршчыкаў на выбарах дэпутатаў Палаты прадстаўнікоў Нацыянальнага сходу Беларусі склала 77,22%.
Самую высокую актыўнасць праявілі жыхары Магілёўскай вобласці, дзе ўдзел у галасаванні ўзялі 82,3% ад унесеных у спісы выбаршчыкаў. Затым ідуць Віцебская вобласць – 82,09%, Гомельская – 81,38%, Брэсцкая – 79,34%, Мінская – 78,97% і Гродзенская – 78,69%. Замыкае спіс сталіца – у Мінску на ўчасткі прыйшлі 63,26% выбаршчыкаў.
Выбары адбыліся ва ўсіх 110 выбарчых акругах.
