85 лотаў выстаўлены на аўкцыёны ў снежні
У снежні камітэтам дзяржаўнай маёмасці Віцебскага аблвыканкама выстаўлены на аўкцыёны 85 лотаў, у тым ліку 25 лотаў на аўкцыён з устанаўленнем пачатковай цаны продажу адна базавая велічыня (25,50 руб.) за кожны аб’ект нерухомай маёмасці, а па 60 лотах цана продажу роўная ацэначнай вартасці або зніжана на 20, 50, 80%.
На пераднавагоднія таргі заяўлены не прададзеныя раней сельскія клубы, школы, лазні, склады, вытворчыя і адміністрацыйныя памяшканні, лагер адпачынку і іншае. Аб’екты могуць быць выкарыстаны для прадпрымальніцкай дзейнасці, рэканструкцыі пад жылыя памяшканні або для вядзення асабістай падсобнай гаспадаркі.
Пасля Новага года ў студзені прадстаўнікам малога і сярэдняга бізнесу, дзелавым партнёрам прапанавана на аўкцыёнах больш 20 будынкаў і збудаванняў.
Інфармацыя аб аб’ектах і ўмовах удзелу ў аўкцыёнах знаходзіцца на сайце камітэта дзяржаўнай маёмасці Віцебскага аблвыканкама: https://www.fondgosim.vitebsk.by
