Мерапрыемствы без непрыемнасцей
З мэтай папярэдзіць надзвычайныя сітуацыі падчас правядзення святочных масавых мерапрыемстваў, Шумілінскі раённы аддзел па надзвычайных сітуацыях звяртаецца да жыхароў і гасцей раёна:
помніце пра тое, што ўдзел у любым масавым мерапрыемстве звязаны з павышанай небяспекай. Каб пазбегнуць магчымых непрыемнасцей, неабходна ведаць асноўныя правілы паводзін у месцах вялікага скаплення людзей.
Выконвайце і падтрымлівайце грамадскі парадак, не дапускайце дзеянняў, здольных прывесці да ўзнікнення экстрэмальных сітуацый, што ствараюць небяспеку для навакольных.
Паводзьце сябе паважліва ў адносінах да іншых грамадзян, абслугоўваючага персаналу, службовых асоб.
Выконвайце законныя патрабаванні асоб, адказных за падтрыманне грамадскага парадку і пажарнай бяспекі.
На пакідайце без нагляду непаўналетніх дзяцей.
Паркуйце аўтатранспарт у спецыяльна адведзеных месцах.
Пры ўзнікненні надзвычайнай сітуацыі неадкладна тэлефануйце ў службу МНС па тэл. 101 ці 112.
Віктар ГЕРАСІМЕНКА, першы намеснік начальніка РАНС.
