Лучшие механизаторы Шумилинского района получили подарки от областного объединения профсоюзов

2021 – Год народного единства Главное Сельское хозяйство

На працавітасці людзей краіна трымаецца

Прыезд на Шуміліншчыну намесніка старшыні Віцебскага аб’яднання прафсаюзаў Віктара Лугаўцова быў прысвечаны прыемнай падзеі – віншаванню лепшых механізатараў, якія ўдзельнічалі ва ўборцы зерневых і зернебабовых.

Першым віншаванні прымаў адзін з самых маладых механізатараў раёна – Вадзім Гарланаў з ААТ «Прыазёрны мір».

На мехдвары ў Амбросавічах сабраліся калегі Вадзіма, прыехаў дырэктар сельгаспрадпрыемства Юрый Савіцкі і старшыня прафсаюзнай арганізацыі Марына Панкраценка. Усе адзначылі працавітасць, стараннасць і шчырасць Вадзіма Гарланава, які чатыры гады працуе ў гаспадарцы. У свае 24 гады хлопец паказвае прыклад руплівасці і дае фору сталым механізатарам. Ён практычна кожны год у лідарах прафсаюзных спаборніцтваў, якія арганізаваны ў гаспадарцы. Летась, напрыклад, быў прэміраваны бычком ад сельгаспрадпрыемства.
Пётр Бардзюкоў з сельгаспрадпрыемства «Лаўжанскае» на працягу дваццаці гадоў падчас уборачнай садзіцца за руль камбайна. Пачынаў працаваць яшчэ на «Енісеі», потым быў «Дон», а цяпер вось сучасны КЗР. Пятра Бардзюкова паважаюць і цэняць у гаспадарцы як сумленнага работніка.
Сумленнасць і надзейнасць аб’ядноўвае Яўгена і Андрэя Ткачовых з КУСГП «Сіроцінскі». Родныя браты ў гэтым годзе працавалі на адным камбайне. І хоць сямейны экіпаж крыху не дацягнуў да тысячы тон, дырэктар сельгаспрадпрыемства Мікалай Прыгодзіч выказаў надзею, што тысячнікамі Ткачовы стануць у наступным годзе.
Ва ўсіх гаспадарках раёна Віктар Лугаўцоў сказаў шчырыя словы ўдзячнасці механізатарам за руплівасць і адзначыў, што менавіта на працавітых людзях трымаецца наша краіна. Віктар Міхайлавіч уручыў перадавікам жніва граматы абласнога аб’яднання прафсаюзаў за высокае прафмайстэрства і значны асабісты ўклад ва ўборку ўраджаю, майкі і кепкі з надпісам «ФПБ». Цёплыя словы ў адрас механізатараў выказала старшыня раённага аб’яднання прафсаюзаў Наталля Хамаганава і старшыня райкама прафсаюза работнікаў АПК Вольга Пусянкова.
Падчас сустрэчы з прафсаюзнымі лідарамі работнікі сельгаспрадпрыемстваў задавалі набалелыя пытанні, уздымалі праблемы, якія будуць вырашаны па гарачых слядах.
Ларыса ЗАЙЦАВА.
Апублікавана ў №67 от 31.08.2021 г.

 



Добавить комментарий

Ваш адрес email не будет опубликован. Обязательные поля помечены *