ДАЦ «Дружба» – лепшы ў краіне
Дзіцячы аздараўленчы цэнтр «Дружба» «Віцебскаблгазу», які размешчаны на беразе возера Будавесць у аграгарадку Амбросавічы Шумілінскага раёна, прызнаны лепшым у краіне, паведамляе telegram-канал «Віцебская вобласць. Афіцыйна».
Па выніках агляду-конкурсу «Рэспубліканскага цэнтра па аздараўленні і санаторна-курортным лячэнні насельніцтва» «Дружба» прызнана пераможцам 2021 года ў намінацыі «Лепшы загарадны аздараўленчы лагер». Конкурснае журы ад-значыла высокую кваліфікацыю персаналу, арганізацыю харчавання, узровень культурна-масавых і забаўляльных мерапрыемстваў, фізкультурна-аздараўленчую работу, а таксама няўхільнае выкананне рэкамендацый па недапушчэнні распаўсюджвання COVID-19.
Гэтым летам за чатыры змены ў дзіцячым аздараўленчым цэнтры адпачылі 330 дзяцей.
Як адзначыла загадчыца ДАЦ «Дружба» Святлана Вязіцкая, цэнтр апошнія тры гады займае першае месца ў краіне ў гэтай намінацыі, раней ён неаднойчы станавіўся пераможцам у іншых намінацыях.
Падрыхтавала Алена КАРПУШЭНКА.
