Рыбакі Шумілінскага лясгаса – у прызёрах
У мінулыя выхадныя на возеры Шэвіна ў вёсцы Малыя Лётцы прайшлі
спаборніцтвы па падлёднай лоўлі рыбы сярод каманд лясной галіны Віцебскай вобласці «Зімняя рыбалка-2022».
Арганізатарамі мерапрыемства выступілі Шумілінскі лясгас і Віцебская абласная арганізацыя Беларускага прафсаюза работнікаў лесу і прыродакарыстання.
Каманда Шумілінскага лясгаса, якую прадстаўлялі заядлыя рыбаловы Міхаіл Лісейцаў, Аляксандр Юдаў, Ілья Бабаеў і Антон Вірко, заняла прызавое трэцяе месца.
Усіх удзельнікаў спаборніцтваў Шумілінскі лясгас пачаставаў салдацкай кашай, прыгатаванай на палявой кухні, а дырэктар прадпрыемства Аляксандр Лабынцаў уручыў заахвочвальныя прызы.
Алена КАРПУШЭНКА.
Апублікавана ў №15 ад 25.02.2022 г.
