У пераможцах – каманды з Мішневіч і Кардона
У раённым цэнтры дзяцей і моладзі прайшоў фестываль прававых ведаў
сярод устаноў адукацыі раёна.
Перад удзельнікамі мерапрыемства выступіла галоўны спецыяліст аддзела па адукацыі райвыканкама Вольга Далецкая, якая падкрэсліла традыцыйнасць і важнасць фестывалю: у наш час вельмі важна разбірацца ў прававой сферы, ведаць законы нашай краіны і быць юрыдычна граматным.
Свае веды ў гэтых накірунках паказалі каманды школ раёна. Удзельнікі агітбрыгад расказалі, як важна захоўваць Правіла дарожнага руху, якую шкоду прыносяць наркатычныя сродкі, чаму трэба берагчы дзяржаўную маёмасць і якія штрафы можна атрымаць за яе псаванне. Пры падлічванні балаў улічваліся артыстызм, стварэнне яркага сцэнічнага вобраза, тэматычнае напаўненне выступленняў і ўзровень выканаўчага майстэрства.
Па выніках выступленняў агітбрыгад у сярэдняй узроставай групе першае месца заняла каманда «Бравыя рабяты» Мішневіцкай ясляў-сада-базавай школы, другое – «Знатакі» СШ №2 г. п. Шуміліна. У старэйшай узроставай групе перамагла каманда «Кодэкс» Кардонскай сярэдняй школы, другое і трэцяе месца – у каманд «Сіла закона» з СШ №1 і «Кожны павінен ведаць» з Обальскай школы адпаведна.
У гэты ж дзень у рамках фестывалю прайшла алімпіяда прававых ведаў. Яе ўдзельнікі з некалькі прапанаваных варыянтаў адказаў выбіралі адзін правільны. У пераможцах аказаліся вучні СШ №1 г. п. Шуміліна: першае месца – ва Уладзіслава Калеснікава, другое – у Вадзіма Сокура, трэцяе – у Анастасіі Базылевіч.
Арганізатарамі мерапрыемства выступілі аддзел па адукацыі райвыканкама, камісія па справах непаўналетніх райвыканкама, раённы аддзел унутраных спраў, цэнтр дзяцей і моладзі.
Ларыса ЗАЙЦАВА.
Надрукавана ў №31 ад 26.04.2022 г.