Сумесны рэйд: Увага – пажарнай бяспецы ў дзіцячых лагерах
Літаральна праз некалькі дзён адчыняць свае дзверы для хлопчыкаў і дзяўчынак дзіцячыя аздараўленчыя лагеры. Зараз ідуць апошнія прыгатаванні. Раённыя службы праводзяць маніторынгі па сваіх сферах дзейнасці.
Так, гатоўнасць пажарнай сістэмы да летняга аздараўленчага сезона ў загарадным дзіцячым аздараўленчым лагеры «Пунсовы ветразь», які размешчаныў вёсцыЛескавічы, праверыў галоўны дзяржаўны інспектар па пажарным наглядзе Шумілінскага раённага аддзела па надзвычайных сітуацыях Андрэй Сасновічпадчас сумеснага рэйду з карэспандэнтам газеты «Герой працы».
Падчас маніторынгу Андрэй Іванавічу першую чаргу пільную ўвагу звярнуў на стан электраабсталявання памяшканняў, тэхнічных сродкаў супрацьпажарнай абароны, праверыў наяўнасць вогнетушыцеляў і ўтрыманне шляхоў эвакуацыі.
Па выніках маніторынгу кіраўніку аб’екта былі ўручаны рэкамендацыі з прапановамі аб ліквідацыі недахопаў да пачатку работы ўстановы ў якасці лагера з кругласутачным знаходжаннем дзяцей.
Таксама ў рамках сустрэчы з начальнікам лагера праведзена гутарка, падчас якой даведзены асноўныя патрабаванні Правілаў пажарнай бяспекі для лагераў, агучаны дзеянні пры пажары, адпрацаваны Правілы карыстання першаснымі сродкамі пажаратушэння.
Алена КАРПУШЭНКА.
