Служба 102: тыдзень у лічбах і фактах
За мінулы тыдзень у аператыўна-дзяжурную службу РАУС паступіла 95 заяў і паведамленняў ад грамадзян, расказаў першы намеснік начальніка РАУС Вячаслаў Воранаў.
Раённым аддзелам Следчага камітэта па матэрыялах праверак РАУС узбуджана 7 крымінальных спраў, 6 з іх – па лініі крымінальнага вышуку.
Выяўлена 14 адміністрацыйных правапарушэнняў, 5 з якіх – за насілле ў сям’і, 4 – за знаходжанне ў стане алкагольнага ап’янення ў грамадскіх месцах, адно – за дробнае хуліганства.
Праведзена 1 спецыяльнае комплекснае мерапрыемства «Падлетак», у ходзе якога былі правераны непаўналетнія, з якімі праводзіцца індывідуальна-прафілактычная работа.
Праведзена адпрацоўка 17 жыхароў раёна, якія маюць судзімасць. Выяўлена адно парушэнне ўмоў адбыцця пакарання ў выглядзе абмежавання волі без накіравання ў папраўчую ўстанову адкрытага тыпу, прыменена дысцыплінарнае пакаранне ў выглядзе арышту на 5 сутак.
Выяўлена 79 парушэнняў правілаў дарожнага руху і зарэгістравана адно ДТЗ (сабака нечакана выбег на праезную частку). Перавысілі дапушчальную хуткасць руху 10 вадзіцеляў, 12 пешаходаў парушылі правілы дарожнага руху.
Падрыхтавала Людміла ЗУЙКОВА.
