Паўтараем правілы бяспечнага выкарыстання піратэхнікі
Прычынай навагодніх пажараў нярэдка становіцца выкарыстанне піратэхнічных вырабаў або неасцярожнае абыходжанне з імі. Пры гэтым людзі атрымліваюць апёкі і траўмы рознай ступені цяжкасці. На жаль, ахвярамі неасцярожнасці і бестурботнасці становяцца не толькі дарослыя, але і дзеці. Для таго,
каб пазбегнуць сумных наступстваў, неабходна выконваць шэраг патрабаванняў і правілаў захоўвання, выкарыстання піратэхнічных вырабаў.
Як правіла, прымяненне піратэхнічных вырабаў бытавога прызначэння не патрабуе спецыяльных ведаў і навыкаў. Іх выкарыстанне з захаваннем патрабаванняў Інструкцыі забяспечвае бяспеку людзей і адсутнасць шкоды маёмасці і навакольнага асяроддзя.
Пры выкарыстанні піратэхнічных вырабаў неабходна памятаць:
– забаронена выкарыстанне піратэхнічных вырабаў асобам да 16 гадоў без прысутнасці дарослых;
– забаронена курэнне і выкарыстанне каля адкрытага агню піратэхнічных вырабаў;
– піратэхніку неабходна набываць толькі ў спецыялізаваных магазінах;
– піратэхнічныя вырабы забаронена насіць у кішэні;
– захоўванне піратэхнічных вырабаў неабходна ажыццяўляць у недаступных для дзяцей месцах.
Як запускаць?
Пры запуску піратэхнікі неабходна:
– прачытаць інструкцыю па ўжыванні;
– не разбіраць, дапрацоўваць або змяняць канструкцыю піратэхнічных вырабаў;
– вызначыць загадзя пляцоўку, з якой будзе запускацца піратэхніка з улікам максімальнага памеру небяспечнай зоны, названай на ўпакоўцы для канкрэтнага вырабу, з адсутнасцю паблізу будынкаў і збудаванняў, дрэў, ліній электраперадач і іншых перашкод;
– правільна размясціць і на-дзейна замацаваць вырабы ў адпаведнасці з інструкцыяй па эксплуатацыі, а менавіта ўсталяваць на цвёрдую роўную паверхню і замацаваць, падсыпаўшы з бакоў зямлёй ці ўсталяваць у шчыльны снег;
– не выкарыстоўваць піратэхніку пры моцным ветры, а таксама ў стане алкагольнага ап’янення;
– гледачы павінны знаходзіцца за мяжой небяспечнай зоны. Аптымальная адлегласць – не менш за 30-50 м.
Катэгарычна забаронена:
– нахіляцца над піратэхнічным вырабам падчас падпалу кнота;
– у выпадку згасання кнота падпальваць яго яшчэ раз;
– падыходзіць і нахіляцца над адпрацаваным піратэхнічным вырабам на працягу 5 хвілін пасля заканчэння работы.
Знішчэнне піратэхнічных вырабаў праводзяць шляхам апускання іх у ваду на тэрмін не менш за 24 гадзіны. Пасля гэтага іх можна ўтылізаваць з бытавым смеццем.
Захаванне правілаў і рэкамендацый дапаможа пазбегнуць непрыемных здарэнняў і з добрым настроем сустрэць навагоднія святы!
Вадзім ПІВАВАРАЎ, інспектар РАНС.