Бясплатны музей у апошнюю сераду месяца
Адзіны дзень бясплатнага наведвання музеяў школьнікамі ў апошнюю сераду месяца працягвае дзейнічаць і ў гэтым годзе.
У мінулую сераду скарыстацца гэтай паслугай вырашылі навучэнцы 1-4 класаў Башнёўскай базавай школы, 5 класа СШ № 2, 4 класаў СШ № 1.
Вучні знаёміліся з гісторыяй краіны праз гісторыю ёлачных цацак на выставе «Калі запальваюцца елкі». Тэме генацыду была прысвечана экскурсія, якую правялі супрацоўнікі музея для вучняў 9-11 класаў Кардонскай СШ. Экспазіцыю музея Обальскага камсамольскага падполля наведалі ў гэты дзень сямікласнікі Амбросавіцкай базавай школы.
«Дадзены праект будзе дзейнічаць да 31 снежня 2023 года, –зазначыла дырэктар Шумілінскага гісторыка-краязнаўчага музея Святлана Іванова. –Скарыстацца паслугай бясплатнага наведвання магчыма кожную апошнюю сераду месяца. Чакаем вучняў і настаўнікаў на экспазіцыях і выставах музея!».
Алена КАРПУШЭНКА.