«Сення мы ўжо салдаты»
Працягваецца адпраўка навабранцаў ва Узброеныя Сілы Рэспублікі Беларусі. Усяго падчас вясенняга прызыву папоўняць беларускую армію каля 1500 хлопцаў з Віцебскай вобласці.
Як паведаміў начальнік адасобленай групы Шумілінскага раёна ваеннага камісарыята Бешанковіцкага і Шумілінскага раёнаў Андрэй Собін, адпраўкі на Шуміліншчыне пачаліся 26 красавіка. На сённяшні дзень шумілінскія навабранцы папоўнілі органы пагранічнай службы, 103-ю асобную паветрана-дэсантную брыгаду, вучэбны цэнтр пад Барысавам.
4 мая з Шуміліна адправіліся трое хлопцаў: Мікіта Сямёнаў, Яўген Цімошчанка і Павел Фадзееў. Вучэбку яны будуць праходзіць у Гродне, далей служыць будуць у 11-й гвард-зейскай асобнай механізаванай брыгадзе.
«Бывай, ранейшае жыццё, – адзначылі яны. – Сёння мы станем ужо салдатамі, прымерым ваенную форму і пачнем спасцігаць вайсковую навуку. І гэта правільны выбар сапраўдных мужчын».
Пасля праходжання курса маладога байца новае папаўненне Узброеных Сіл прыме 20 мая Ваенную прысягу.
Аляксандр ШЭДЗЬКО.