Ордэн – Маці!
Указам Прэзідэнта Рэспублікі Беларусь № 201 ад 4 ліпеня 2023 года за нараджэнне і выхаванне пяці і больш дзяцей ордэнам Маці ўзнагароджана Вольга Літоўка з вёскі Мікалаева, памочніца выхавальніка Мікалаеўскага дзіцячага сада. Разам з мужам яна выхоўвае 4-х дочак і 2-х сыноў.
Учора, 17 ліпеня, у Дзень утварэння Шумілінскага раёна, старшыня райвыканкама Сяргей Галынчык уручыў Вользе Літоўка дзяржаўную ўзнагароду.
– Гэта вельмі няпростая, адказная, але вельмі пачэсная і ганаровая справа – нарадзіць і годна выхаваць нават адно дзіця. А нарадзіць і выхаваць шасцярых – гэта самы сапраўдны подзвіг. Нізкі паклон вам за гэта, – адзначыў Сяргей Аляксандравіч. Кіраўнік раёна падзякаваў маці за яе нястомную працу, пажадаў здароўя, сіл і дабрабыту.
Да віншаванняў далучыўся старшыня раённага Савета дэпутатаў Мікалай Будневіч, і ад імя раённай арганізацыі РГА «Белая Русь» уручыў Вользе Віктараўне і ўсім членам сям’і падарункі.
Вольга Літоўка, атрымаўшы ордэн Маці, сказала, што кранута такой увагай з боку дзяржавы, усведамляе ўсю сваю адказнасць за вялікую сям’ю і пастараецца разам з мужам выхоўваць сваіх дзетак сумленнымі і годнымі грамадзянамі краіны.
Алена КАРПУШЭНКА.