КВК‑800 прыехаў у «Лаўжанскі»
На гэтым тыдні раён яшчэ пабагацеў на новую тэхніку. На гэты раз пашанцавала сельгаспрадпрыемству «Лаўжанскае», якое за сродкі абласнога бюджэту атрымала кормаўборачны камбайн КВК-800 вытворчасці «Гомсельмаш».
Машыну даверылі вопытнаму механізатару Пятру Бардзюкову, які працуе на нарыхтоўцы кармоў. «У камплекце з КВК — падборшчык і кукурузная жняярка, — дадаў дырэктар «Лаўжанскага» Аляксандр Глінскі. — У камбайна ўдасканалены рухавік, ёсць цэнтральная змазка ўсіх вузлоў, што немалаважна пры рабоце. Каштуе такі камбайн каля 560 тысяч рублёў».
Людміла ЗУЙКОВА.
