«За бяспеку разам»
З мэтай папярэджання пажараў і гібелі людзей ад іх у жыллёвым фондзе з 16 кастрычніка па 1 лістапада ў Шумілінскім раёне пройдзе рэспубліканская пажарна-прафілактычная акцыя «За бяспеку разам». Яна накіравана на павышэнне ўзроўню бяспекі насельніцтва, актывізацыю пажарна-прафілактычнай работы, аналіз яе эфектыўнасці і ацэнку гатоўнасці тэрыторый да асенне-зімовага пажаранебяспечнага перыяду.
Акрамя ратавальнікаў, у акцыі прымуць удзел прадстаўнікі органаў унутраных спраў, адукацыі, аховы здароўя, сацыяльнай сферы, жыллёва-камунальнай гаспадаркі і інш. Акцэнт будзе рабіцца на абследаванні супрацьпажарнага стану домаўладанняў адзінокіх і адзінока пражываючых пажылых грамадзян, інвалідаў, сем’яў, у якіх дзеці знаходзяцца ў сацыяльна не-бяспечным становішчы.
Таксама ў рамках акцыі ў якасці кансультацыйнай дапамогі будзе прапанавана грамадзянам звярнуцца ў тэрытарыяльны органы і падраздзяленні па надзвычайных сітуацыях для правядзення абследавання супрацьпажарнага стану жылля.
Не забывайце пра родных і блізкіх, якія жывуць у вёсках. У рамках рэспубліканскай прапагандысцкай кампаніі «Бяспечная старасць» наведайце састарэлых бацькоў. Праверце, як падрыхтаваліся да ацяпляльнага сезона яны.
Памятайце, што згодна з заканадаўствам адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве пры-ватнай уласнасці, ускладзена на іх уласнікаў.
Вадзім ПІВАВАРАЎ, інспектар РАНС.
