«Флікер – твой пропуск у школу»
У Слабадской базавай школе на працягу трох дзён праходзіла прафілактычная акцыя «Флікер – твой пропуск у школу».
У першы дзень настаўнікі прапанавалі нам гульню-віктарыну «Мой сябар – флікер», падчас якой мы згадалі асноўныя правілы паводзін на дарогах, паглядзелі відэаролікі па правілах дарожнага руху. На наступны дзень усіх чакаў сюрпрыз: раніцай нас сустракалі дзяжурныя і правяралі наяўнасць флікера. Дзеці, у якіх ён быў, атрымлівалі салодкі падарунак. Адзначу, што толькі адзін вучань прыйшоў без флікера. У трэці дзень для малодшых школьнікаў прайшоў майстар-клас па вырабе флікераў. Акрамя гэтага, дзевяцікласнікі падарылі святловяртальныя элементы выхаванцам дзіцячага сада, расказалі і прадэманстравалі, што флікер – гэта не проста бліскучы элемент, а рэальны спосаб захаваць жыццё.
Ксенія ЮРЧАНКА, вучаніца 9 класа.