Першы пажар у гэтым годзе здарыўся ў аграгарадку Слабада – тут гарэў хлеў.
Паведамленне пра пажар хлява па вул. Афанасьева ў аграгарадку Слабада паступіла ў райаддзел па надзвычайных сітуацыях 7 студзеня ў 17.51.
Па прыбыцці да месца выкліку ратавальнікаў назіралася задымленне з-пад даху аднаго з памяшканняў калектыўнага хлява. Агнём у памяшканні пашкоджаны столь, столевае перакрыцце, закураны сцены.
Разглядаюцца дзве версіі прычыны ўзнікнення пажару: парушэнне правілаў эксплуатацыі электрасетак і электраабсталявання, парушэнне правілаў эксплуатацыі печак, цеплагенерыручых агрэгатаў і ўстройстваў.
МНС нагадвае: будзьце асцярожныя з агнём! Выконвайце элементарныя правілы пажарнай бяспекі. Пры пажары ці іншай надзвычайнай сітуацыі тэлефануйце 101 ці 112.
Вадзім ПІВАВАРАЎ, інспектар РАНС.