Наталля ХАМАГАНАВА, старшыня раённага аб’яднання прафсаюзаў:
– Федэрацыя прафсаюзаў Беларусі з’яўляецца самым масавым грамадскім аб’яднаннем краіны, якое адстойвае інтарэсы чалавека-працаўніка і прымае актыўны ўдзел ва ўсіх палітычных кампаніях. Не стануць выключэннем і першыя ў гісторыі выбары дэпутатаў розных узроўняў у Адзіны дзень галасавання 25 лютага. Прафсаюзныя актывісты зацікаўленыя ў тым, каб дэпутатамі былі абраны прафесіяналы сваёй справы, сапраўдныя патрыёты незалежнай Беларусі.
Разумеючы значнасць выбарчай кампаніі, яе ўплыў на развіццё краіны, прафсаюз уключыўся ў работу і мае намер прыняць самы актыўны ўдзел на ўсіх этапах падрыхтоўкі і правядзення выбараў. Сваіх актывістаў мы вылучаем у члены ўчастковых камісій, а таксама ў назіральнікі на многіх выбарчых участках. Для нас важна, каб выбары прайшлі дэмакратычна, згодна з выбарчым заканадаўствам Рэспублікі Беларусь, каб дэпутацкія партфелі атрымалі дастойныя людзі, а ў грамадстве былі адзінства і згода.
#25февраля
#единый_день_голосования
