Не за гарамі персанальная выстава
Жыхар аграгарадка Крывое Сяло Адольф Адольфавіч Дзежыц паўсотню гадоў захапляецца фотасправай. Старт для гэтага даў школьны фотагурток. “Пачынаў са “Змены-8”, потым былі “Кіеў”, “Зеніт” і іншыя савецкія плёначныя фотаапараты, – расказвае Адольф Адольфавіч. – Жыццё прымусіла ісці ў нагу з часам і перайсці на лічбавую фотакамеру. Але ж усё роўна працэс фатаграфавання і друку здымкаў савецкім чорна-белым фотаапаратам – самы цікавы і захапляльны”.
Будучы студэнтам Беларускай сельскагаспадарчай акадэміі, А. А. Дзежыц разам з сябрамі стварыў фотаклуб “Радуга”. Займаліся сур’ёзна, нават бралі ўрокі ў вядомага фотамастака Зіновія Шэгельмана.
І зараз, працуючы намеснікам дырэктара па ідэалагічнай рабоце ААТ “Прыдзвінскі”, Адольф Адольфавіч не расстаецца з фотаапаратам. Вельмі любіць фатаграфаваць прыроду, рабіць макраздыманні. У будучым плануе арганізаваць сваю персанальную выставу.
Ларыса КІСЯЛЁВА.
Надрукавана ў №46 ад 12.06.2012 г.