«Дзякуй за адказнасць і прафесіяналізм»
У мінулую пятніцу, 22 сакавіка, работнікі УП ЖКГ Шумілінскага раёна ў раённым цэнтры культуры адзначылі свае прафесійнае свята.
«Дзякуй вам за адказнасць, адданасць справе, прафесіяналізм, – звярнуўся да камунальных работнікаў, віншуючы са святам, старшыня райвыканкама Сяргей Галынчык. – У вас зладжаная каманда, вы нацэлены на вынік. Рухайцеся наперад, развівайцеся, адпавядайце сучасным патрабаванням. Ад якасці вашых паслуг зале жыць настрой землякоў, камфорт і ўтульнасць у нашых дамах».
Сяргей Аляксандравіч уручыў Ганаровыя граматы райвыканкама за шматгадовую добрасумленную працу ў сістэме жыллёва-камунальнай гаспадаркі начальніку падраздзялення «Шумілінскае» Юрыю Лосеву, мантажніку санітарна-тэхнічных сістэм і абсталявання ўчастка па рамонце і эксплуатацыі інжынерных сетак Віктару Чарнову, Ганаровую грамату раённага Савета дэпутатаў – майстру падраздзялення «Шумілінскае» Вераніцы Бутырынай. Падзякі старшыні раённага выканаўчага камітэта атрымалі майстар падраздзялення «Шумілінскае» Павел Мясаедаў і майстар падраздзялення «Лаўжанскае» Алена Кузьмічова.
На свяце былі агучаны ўзнагароды, якія ўручылі нашым землякам на ўрачыстым мерапрыемстве ў Віцебску. Ганаровай граматай Міністэрства жыллёва — камунальнай гаспадаркі Рэспублікі Беларусь узнагароджаны электрагазазваршчык падраздзялення «Сіроцінскае» Сяргей Барысаў, Падзякай старшыні Віцебскага аблвыканкама – трактарыст падраздзялення «Обальскае» Віктар Храмцоў.
Ганаровай граматай галоўнага ўпраўлення жыллёва-камунальнай гаспадаркі аблвыканкама ўзнагароджаны намеснік дырэктара Аляксандр Левіт, намеснік дырэктара па ідэалагічнай рабоце Катарына Дубко, галоўны бухгалтар Алена Праліч, Ганаровай граматай Віцебскай абласной арганізацыі Беларускага прафесійнага саюза работнікаў мясцовай прамысловасці і камунальна-бытавых прадпрыемстваў – дырэктар УП ЖКГ Аляксей Шпакаў.
Свой калектыў павіншаваў са святам дырэктар Аляксей Шпакаў, уручыў калегам ганаровыя граматы і падзякі, а таксама пасведчанні аб занясенні на Дошку гонару прадпрыемства.
Асаблівая ўвага – ветэранам. Ім на свяце сказалі шмат шчырых і цёплых слоў, падзякавалі за працу, настаўніцтва і мудрасць.
Ад прафсаюзнай арганізацыі прадпрыемства была арганізавана бяспройгрышная латарэя, некаторым пашчасціла выйграць нават пыласос. Упрыгожылі ўрачыстасці канцэрты тэатра цыганскай песні і танца «Жемчуга» і артыстаў раённага цэнтра культуры.
Ларыса ЗАЙЦАВА
