Маламерныя судны грузападымальнасцю меншай за 225 кг, якія не маюць рухавіка або матора, не падлягаюць дзяржаўнай рэгістрацыі і ў далейшым тэхнічнаму агляду. Аб гэтым на прэс-канферэнцыі заявіў начальнік дзяржаўнай інспекцыі па маламерных суднах Юрый Багданчык, перадае карэспандэнт БЕЛТА.
«Апошнім часам колькасць суднаў, якія рэгіструюцца, падлягаюць тэхнічным аглядам, значна павялічылася. Беларусы пачалі актыўна эксплуатаваць маламерныя судны на водных аб’ектах рэспублікі», — сказаў Юрый Багданчык.
У мінулым годзе было зарэгістравана больш як 8 тыс. новых маламерных суднаў. Усяго на ўліку ў дзяржаўнай інспекцыі знаходзіцца больш як 175 тыс. маламерных суднаў. Юрый Багданчык нагадаў, што не ўсе судны падлягаюць дзяржаўнай рэгістрацыі.
«У нас у Беларусі лічыцца каля 300 тыс. маламерных суднаў, але з іх падлягаюць рэгістрацыі і зарэгістравана каля 175 тыс. Маламерныя судны грузападымальнасцю меншай за 225 кг, якія не маюць рухавіка або матора, не падлягаюць дзяржаўнай рэгістрацыі і ў далейшым тэхнічнаму агляду — прасцей кажучы, тэхагляду», — падкрэсліў Юрый Багданчык.
