Раніцай 16 красавіка рыбак знайшоў у шалашы, які знаходзіўся ў кустах каля Шумілінскага возера, труп.
Як расказаў рэдакцыі начальнік Шумілінскага раённага аддзела Следчага камітэта Рэспублікі Беларусь Яўген Іваноў, па адпячатках пальцаў была ўстаноўлена асоба нябожчыка – ім аказаўся жыхар райцэнтра 1960 года нараджэння. Высветлена, што мужчына пайшоў з дома і з лета мінулага года жыў у самаробным шалашы ў кустах каля Шумілінскага возера.
Следчыя райаддзела праводзяць праверку, прызначаны адпаведныя экспертызы, высвятляюцца прычыны смерці.
Аляксандр ШЭДЗЬКО.
