Будаўніцтва жылля на новых умовах дзяржпадтрымкі.
З 1 чэрвеня 2025 года ўступіў у сілу Указ № 95 «Аб дзяржаўнай падтрымцы пры жыллёвым будаўніцтве». Нарматыўны акт аб’яднаў у адзін дакумент усе меры дзяржпадтрымкі пры будаўніцтве або куплі жылля. Галоўная навацыя ўказа: грамадзянам больш не будуць выдаваць ільготныя крэдыты на долевае будаўніцтва жылля, а толькі на куплю кватэр у шматпавярхоўках, пабудаваных па дзяржзаказе. Беларусы, якія пражываюць у населеных пунктах з колькасцю насельніцтва да 20 тыс. чалавек, змогуць атрымліваць ільготныя крэдыты для куплі жылля як на першасным рынку (пабудаванага па дзяржзаказе), так і на другасным.
Перавод пенсій на базавы рахунак.
Ужо з 1 ліпеня 2025 года пенсіі і выплаты сацыяльнага характару пачнуць пералічваць толькі на базавыя рахункі, адкрытыя ў банках або перааформленыя з бягучых у новы «статус». У тых, хто яшчэ не наведаў фінансавую ўстанову, засталося зусім няшмат часу для пераафармлення – базавы рахунак павінен быць адкрыты да 20 чэрвеня.
Вырасце «камуналка».
Павышэнне тарыфаў на жыллёва-камунальныя паслугі ў 2025 годзе запланавана ў два этапы. Згодна з Указам Прэзідэнта Беларусі ад 30 студзеня 2025 г. № 45 плацяжы для насельніцтва ў разліку на тыпавую двухпакаёвую кватэру з трыма пражываючымі пры нарматыўным спажыванні імі паслуг вырастуць у цэлым на 0,5 базавай велічыні (21 руб.). Нагадаем, што з 1 студзеня расцэнкі на ўсе паслугі, за выключэннем ацяплення і гарачага водазабеспячэння, ужо падраслі на 17 руб. 5 кап. З 1 чэрвеня на 3 руб. 95 кап. павышаецца плата за цеплавую энергію на мэты ацяплення і гарачага водазабеспячэння. Дарэчы, цяпер субсідзіраваны тарыф на гэтую паслугу за 1 Гкал цеплавой энергіі складае 24,7187 руб., а з 1 чэрвеня вырас да 27,2323 руб.
Экзамены за 9 клас.
Выпускнікі 11-х класаў прайшлі атэстацыю ў форме ЦЭ за курс сярэдняй школы ў канцы мая. А вось 9-класнікам трэба вытрымаць выпрабаванні за курс базавай школы. У перыяд з 2 па 13 чэрвеня вучні 9-х класаў будуць трымаць 4 выпрабаванні: беларуская мова; руская мова; матэматыку; гісторыю Беларусі.
Здача ЦТ. Чэрвень стане гарачым і хвалюючым часам і для маладых людзей, якія маюць намер пакараць ВНУ. Здачы ЦТ па прадмеце на выбар для ўсіх абітурыентаў пройдуць 2 і 5 чэрвеня. Аднак калі па ўважлівай прычыне юнакі і дзяўчаты не змогуць з’явіцца на тэсціраванне ў асноўныя дні, у іх будзе яшчэ адзін шанц напісаць ЦТ у рэзервовыя даты – 19, 21 і 23 чэрвеня. Дарэчы, 21 і 23 чэрвеня таксама вызначаны як рэзерв для здачы ЦЭ.
Залічэнне ў 1-ы клас.
З 12 чэрвеня школы і гімназіі пачнуць прыём дакументаў ад бацькоў першакласнікаў для залічэння дзетак у 1-ы клас. Для падачы дакументаў у прыёмную камісію трэба падаць: заяву ад законных прадстаўнікоў дзіцяці; пасведчанне аб нараджэнні будучага першакласніка; медыцынскую даведку ўстаноўленага ўзору. Калі бацькі жадаюць, каб іх дзіця вучылася ў іншай школе, якая не адносіцца да месца пражывання сям’і, то з 12 чэрвеня па 15 жніўня яны павінны запісацца на прыём да дырэктара школы.
З Мінска ў Сочы на аўтобусе.
З 26 чэрвеня з беларускай сталіцы запускаюць рэгулярны аўтобусны маршрут у напрамку Сочы. Ён ахопіць папулярныя ў турыстаў курортныя гарады. Прыпынкі запланаваны ў Джубга, Лермантава, Наваміхайлаўскі, Ольгінка, Туапсэ, Лазараўскае. Дабрацца на аўтобусе з Мінска ў Сочы падарожнікі змогуць за 34 гадзіны, а на цягніку шлях займае двое сутак. Для дзетак да 12 гадоў прадугледжаны скідкі на білеты.
