Дэсантнікі ўсіх пакаленняў рыхтуюцца да свята – Дня паветрана-дэсантных войск і сіл спецыяльных аперацый. У гэтым годзе мы будзем адзначаць юбілей — 95 гадоў з дня стварэння савецкіх паветрана-дэсантных войскаў.
Шумілінскіх дэсантнікаў свята запросіць 2 жніўня ў Віцебск. Тут у 9.00 на вуліцы Калініна адбудзецца мітынг каля помніка дэсантнікам усіх пакаленняў. У9.30 чакае Віцебская дэсантная брыгада (вул. Фрунзе). Тут свята прадоўжыцца да 15.00.
У Шуміліне свята пачнецца ў 16.00. У Шумілінскім гісторыка-краязнаўчым музеі адкрыецца выстава, прысвечаная ПДВ, а таксама юбілею Перамогі ў Вялікай Айчыннай вайне. У 17.00 пачнецца канцэрт мастацкай самадзейнасці на эстрадзе ў гарадскім парку (вул. Кароткіна).
Пасля канцэрта дэсантнікі пройдуць калонай у раён паклоннага крыжа паблізу дома №28а па вуліцы Юбілейнай. Да 21.00 адбудзецца ўрачысты сход, кароткая малітва ў гонар Святога прарока Іллі — нябеснага заступніка ПДВ, асвячэнне і ўзняцце сцяга арганізацыі, наведванне месцаў пахавання членаў Дэсантнага Шумілінскага Братэрства.
Сардэчна запрашаем усіх прыхільнікаў паветрана-дэсантных войскаў на свята!
Савет ГА «Дэсантнае Шумілінскае Братэрства».
Фото из архива редакции.
