Предновогодние новости Шумилинского района: главная ёлка района, премьера сказки, парад Дедов Морозов…

Актуалии Новости

Новогодняя ёлка в Шумилино

Навагодняя ёлка
Работнікі камунгасу ўстанавілі ў гарадскім парку навагоднюю ёлку (на здымку). Яе прывезлі з Мішневіцкага лясніцтва, паведаміў дырэктар УП ЖКГ І. К. Штуро. Вышыня елкі – 17 метраў.
Ларыса ЗАЙЦАВА.
Дзяды Марозы і Снягуркі, ваш выхад!
Колькі ў нашым раёне Дзядоў Марозаў і Снягурак? Не ведаеце? А вось 22 снежня мы іх і палічым, і паглядзім, на што яны здатныя.
Менавіта 22 снежня ў 16 гадзін пачнецца шэсце Дзядоў Марозаў, Снягурак і іншых казачных персанажаў.
Шэсце пройдзе ад Дома культуры па вуліцах Луначарскага, Кароткіна да галоўнай ёлкі раёна, якая ўстаноўлена ў парку. Тут, каля ёлкі, пачнецца тэатралізаванае прадстаўленне “Ёлачка, запаліся!” з песнямі, карагодамі, з канцэртнымі нумарамі на пляцоўцы. Адным словам, будзе весела.
І ў гэтым вяселлі кожны зможа прыняць удзел: стаць хаця б на гэты вечар Дзедам Марозам, Снягуркай ці, напрыклад, зайчыкам. Калі ж вы не адчуваеце ў сабе такіх здольнасцей, вывучыце верш, песню ці анекдот, парадуйце імі Дзеда Мароза (можаце і не аднаго), і вы абавязкова атрымаеце салодкі падарунак – Дзяды Марозы ж абавязкова будуць з мяшкамі (ці хоць з торбачкамі) ласункаў.
Вядома, не абыдзецца такое свята без гандлёвых радоў.
Не прапусціце такое відовішча, падарыце сабе і сваёй сям’і свята!
25 снежня – прэм’ера спектакля-казкі “Царэўна-жаба”, 27 – дабрачынная ёлка
Дужа гарачая пара зараз у работнікаў культуры – надыходзіць любімае ўсімі навагодняе свята, і ўсе чакаюць цудаў, прыгод, вясёлых забаў. А хто ж іх падарыць, калі не работнікі ўстаноў культуры?! Народны тэатр Шумілінскага дома культуры, напрыклад, зараз ва ўсю рыхтуецца да прэм’еры спектакля-казкі “Царэўна-жаба”.
Прэм’ера адбудзецца 25 снежня, а 27 снежня дзетак запросіць дабрачынная ёлка, якая традыцыйна ладзіцца ў раёне кожны год.
Сачыце за навагодняй афішай!
Аліна ПЯТРОВА.
Каткі
Як паведаміў начальнік аддзела фізічнай культуры, спорту і турызму райвыканкама С. У. Каржуеў, каткі ў райцэнтры пачнуць працаваць, калі сярэдняя тэмпература два-тры дні пастаіць восем –дзесяць градусаў марозу. Як звычайна, яны будуць на стадыёне, каля СШ №1 і ў “Верхнім” горадзе. Таксама каткі будуць заліты каля кожнай школы.
Лыжы
З заўтрашняга дня пачынае работу пункт пракату лыж, які знаходзіцца па адрасе: г. п. Шуміліна, вул. Кароткіна, 14а. Пракат працуе з 10.00 да 16.00.
Аляксандр ШЭДЗЬКО.
Надрукавана ў №99 ад 14.12.2012 г.



2 комментария по теме “Предновогодние новости Шумилинского района: главная ёлка района, премьера сказки, парад Дедов Морозов…

  1. Чем бессмысленно подсвечивать дома на площади, лучше бы новые огоньки на ёлку купили.

Добавить комментарий

Ваш адрес email не будет опубликован. Обязательные поля помечены *