З грашовых сродкаў, заробленых ад правядзення асенняга суботніка, 50% пойдуць на будаўніцтва Нацыянальнага гістарычнага музея Беларусі і стварэнне яго пастаяннай экспазіцыі. Яшчэ 50% застануцца ў распараджэнні аблвыканкамаў, Мінскага гарвыканкама з магчымасцю іх накіравання на канкрэтныя аб’екты.
У Віцебскай вобласці прынята рашэнне накіраваць частку грашовых сродкаў на ўзвядзенне памятнага знака «Працоўнай славы» ў Оршы.
У Шумілінскім раёне запланаваны работы па азеляненні, добраўпарадкаванні і прывядзенні ў належны стан аб’ектаў і тэрыторый населеных пунктаў, гісторыка-культурных каштоўнасцей, мемарыяльных комплексаў, месцаў баявой і воінскай славы, воінскіх пахаванняў. Таксама будуць арганізаваны работы па добраўпарадкаванні тэрыторыі на Вялікім камені ў Горках.
