«Курган Дружбы» – сімвал адзінства
Першая нядзеля ліпеня традыцыйна з’яўляецца важнай датай для народаў Расіі, Беларусі і Латвіі. У гэты дзень на Кургане Дружбы, які размяшчаецца на стыку трох краін, шмат гадоў сустракаліся партызаны, падпольшчыкі і наследнікі Вялікай Перамогі. Гэты візіт асаблівы кожны год, бо ў гэтым месцы сілы ажывае гісторыя гераічнага братэрства і сумеснай барацьбы супраць нямецка-фашысцкіх захопнікаў у гады Вялікай Айчыннай вайны.
5 ліпеня ў мерапрыемстве прынялі ўдзел прадстаўнікі Віцебскай і Пскоўскай абласцей. Беларускую дэлегацыю ўзначальвалі старшыня Віцебскага абласнога Савета дэпутатаў Дзмітрый Дзямідаў і намеснік старшыні Віцебскага аблвыканкама Аляксей Гуйда. Брала ўдзел ва ўрачыстасцях і дэлегацыя Шуміліншчыны на чале з намеснікам старшыні райвыканкама Ірынай Шалахавай.
Праграма сустрэчы была насычана кранальнымі традыцы ямі: гасцей чакала шчырае братанне дэлегацый і душэўны абрад «Хлеб ды соль». Галоўнай падзеяй на беларускім баку быў урачысты мітынг-рэквіем каля манумента героям-камсамольцам вёскі Прошкі, дзе ўдзельнікі аддалі даніну памяці подзвігу нашых продкаў хвілінай маўчання і ўсклалі кветкі. Урачыстасці прадоўжыліся на тэрыторыі Расійскай Федэрацыі. Там удзельнікі сустрэчы ўшанавалі памяць легендарнай партызанкі-разведчыцы, ураджэнкі горада Себежа Марыі Пынто, якая была адной з тых адважных дзяўчат, чыя мужнасць і адданасць Радзіме набліжалі Вялікую Перамогу.
Кульмінацыйным і самым душэўным момантам дня стала хваля музычнага адзінства. У беларусаў і расіян адна гісторыя, адзін лёс і адны песні. Усе разам маштабна і шчыра выканалі легендарную песню «Кацюша». Калі спявалі сотні людзей, межы знікалі і заставалася толькі агульная памяць і гонар.
Далей свята прадоўжылася грандыёзным канцэртам. На цырымоніі адкрыцця з прывітальнымі словамі да прысутных звярнуліжывы сімвал нашага адзінства, які з кожным годам становіцца толькі мацнейшым. Таленавітыя салісты Пскоўскай вобласці і Себежскага раёна, а таксама госці фестывалю – заслужаны калектыў Рэспублікі Беларусь вакальная група «Чысты голас» – падарылі незабыўнае задавальненне.
У музычнай праграме свята прынялі ўдзел і шумілінскія галасы. Нашы артысты прадставілі атмасферныя нумары, напоўненыя глыбокім сэнсам, любоўю і падзякай за Перамогу.
Дэлегацыя Шумілінскага раёна наведала грамадзянска-патрыятычны лагер «Курган Дружбы». Гэтая пляцоўка штогод збірае самую актыўную і ініцыятыўную моладзь. Маладыя людзі Шуміліншчыны паказалі сёлета проста бліскучы вынік! У сур’ёзнай барацьбе ў інтэлектуальным конкурсе лагера яны прадэманстравалі выдатныя веды, логіку і кемлівасць, заняўшы ганаровае 2 месца сярод 25 моцных каманд Віцебскай вобласці, Гродна і Пскоўскай вобласці (Расія).
Дар’я ЧАПУРНОВА.
