Знайшлі тэлефон і аддалі ў міліцыю
Пяцікласнік Сяргей Бабаеў і чацвёртакласнік Яраслаў Дамарацкі знайшлі на перакрыжаванні дарог Юбілейная-Сіпко мабільны тэлефон і прынеслі знаходку ў раённы аддзел унутраных спраў. Міліцыянеры хутка ўстанавілі, чыя гэта згуба і аддалі гаспадару.
«Бацькі і настаўнікі вучаць нас не браць чужое, – расказалі хлопцы. – Можа, нехта плакаў, што тэлефон згубіў. А мы прынеслі некаму радасць».
Дзіцячы ўчынак не застаўся незаўважаным. На ўрачыстым мерапрыемстве, прысвечаным 105-годдзю з дня ўтварэння шумілінскай міліцыі, асабіста начальнік РАУС Леанід Навіцкі ўзнагародзіў маленькіх жыхароў райцэнтра падзякай і ўручыў падарункі. Нераўнадушныя грамадзяне Беларусі падрастаюць.
Ларыса ЗАЙЦАВА.
