НАСУСТРАЧ УСЕБЕЛАРУСКАМУ НАРОДНАМУ СХОДУ. «Усе рашэнні павінны быць на карысць дзяржаве і народу»
Ларыса ЦІХАНЕНКА, ветурач ТАА «Вітконпрадукт»:
– Ужо не адно дзесяцігоддзе Усебеларускі народны сход кансалідуе грамадства, задае выразныя і зразумелыя арыенціры для ўсіх нас. На сённяшні дзень рыхтуецца важны стратэгічны дакумент, які трэба будзе разгледзець УНС, – пяцігадовы план сацыяльна-эканамічнага і грамадска-палітычнага развіцця.
Нам пашчасціла жыць у краіне, дзе на дзяржаўным узроўні на гады наперад плануецца развіццё грамадства, эканомікі, сацыяльнай сферы і рэалізуецца нашай сумеснай працай. Думаю, што менавіта гэта дае стабільнасць і дазваляе нам з упэўненасцю глядзець у будучыню.
Мае чаканні ад работы дэлегатаў УНС заключаюцца ў тым, што ўсе нашы рашэнні павінны быць на карысць беларускай дзяржаве і грамадству. Пераканана, што маючы адбыцца форум пройдзе канструктыўна і плённа, а яго вынікі стануць магутным імпульсам для далейшага дынамічнага развіцця і працвітання Беларусі.
