Забойства ў Шуміліне
17 студзеня ў райцэнтры зарэгістравана забойства мужчыны 1978 года нараджэння.
Сужыцель з сужыцелькай 1976 г. н. запрасілі ў госці сябра і ра зам распівалі спіртное. Праз пэўны час паміж сужыцелямі ўзнік канфлікт, у які ўмяшаўся госць. Ад гэтага і пацярпеў – жанчына ўдарыла яго нажом прама ў сэрца. Калі прыехала “хуткая дапамога”, якую выклікалі гаспадары кватэры, мужчына быў мёртвы…
Па дадзеным факце ўзбуджана крымінальная справа. За забойства жанчыне пагражае пазбаўленне волі ад 6 да 15 гадоў.
