Ад размовы да выніку
У пятніцу, 10 ліпеня, у нашым раёне працаваў дэпутат Віцебскага абласнога Савета дэпутатаў па Шумілінскай выбарчай акрузе № 52 Міхаіл Вішнявецкі – начальнік Галоўнага ўпраўлення па ахове здароўя аблвыканкама.
Міхаіл Лявонцьевіч сустрэўся са старшынёй райвыканкама Мікалаем Будневічам: абмеркавалі развіццё медыцыны ў раёне і рамонт будынка для амбулаторыі ўрача агульнай практыкі ў г. п. Обаль.
Пасля гэтага М. Л. Вішнявецкі правёў прыём грамадзян. На сустрэчу прыйшла жыхарка райцэнтра – яна звярнулася па пытанні эндапратэзавання каленнага сустава ў свайго бацькі. Сітуацыю ўдалося вырашыць прама падчас прыёму.
Алена КАРПУШЭНКА.
