Наш касцюм пажарнага – лепшы
Шумілінскі раённы аддзел па надзвычайных сітуацыях стаў лаўрэатам І ступені ў Рэспубліканскім конкурсе на лепшы касцюм пажарных XIX-XX стагоддзяў.
У фінал нашы ратавальнікі прайшлі пасля ўпэўненага выступлення на абласным этапе, дзе занялі другое месца.
Прэзентаваць і абараняць касцюм даверылі старшаму інспектару-ратавальніку РАНС Канстанціну Недарэзаву – і ён справіўся бліскуча.
Конкурс праводзіўся ў межах святкавання Дня пажарнай службы. Ён меў на мэце папулярызаваць гістарычную спадчыну пажарнай аховы, выклікаць цікавасць да гісторыі пажарнай справы і пашырыць веды пра прафесію, якая штодня захоўвае чалавечыя жыцці.
Алена КАРПУШЭНКА.
