І быць шчаслівымі
У іх многа агульнага. Яны маладыя, таленавітыя, працалюбівыя. У іх ёсць мэта: атрымаць добрую адукацыю, заявіць пра сябе ў любімай прафесіі, рэалізаваць свае магчымасці. У іх ёсць мара: быць шчаслівымі.
І яны ўжо многае паспелі зрабіць, каб мэты і мары сталі
рэальнасцю. За выдатныя поспехі ў вучобе дзевяцікласніцы (цяпер ужо дзесяцікласніцы) Вераніка Воранава, Таццяна Васкоўская і Соф’я Шаракова адзначаны пасведчаннямі асаблівага ўзору. Іх партрэты разам з партрэтамі залатых медалістаў Шуміліншчыны ўпрыгожаць білборд у цэнтры Шуміліна.
Нам жа застаецца пажадаць дзяўчынкам быць стойкімі перад жыццёвымі выпрабаваннямі, не збочваць з абранага шляху, рэалізаваць свае планы і абавязкова быць шчаслівымі.
Аліна КАНСТАНЦІНАВА.
Надрукавана ў №50 за 28.06.2013 г.
