Зарплата “ў канверце”. Зваротны бок медаля

Зарплата “ў канверце”. Зваротны бок медаля
Факты атрымання зарплаты “ў канверце” яшчэ сябе не зжылі. На жаль, не ўсе работадаўцы лічаць неабходным плаціць сваім супрацоўнікам дастойную афіцыйную зарплату.
Аднак “зарплата ў канверце” пазбаўляе работніка пэўных сацыяльных гарантый. І, на жаль, далёка не кожны грамадзянін, згаджаючыся на ценевыя грошы, бачыць зваротны бок медаля і разумее наступствы падобнага пагаднення.
Перш за ўсё, гэта адносіцца да пенсіі, бо яе разлік робіцца з памеру менавіта той зарплаты, на якую афіцыйна налічваліся і выплачваліся абавязковыя страхавыя ўзносы ў Фонд.
Ды і ў стаж работы для налічэння пенсіі залічваецца толькі тыя перыяды работы, на працягу якіх выплачваліся абавязковыя страхавыя ўзносы.
Атрымліваючы “зарплату ў канверце”, трэба быць гатовым, што хварэць, даглядаць за хворым членам сям’і давядзецца за свой кошт. У выпадку захворвання неаформлены работнік наогул не мае права на аплату лістка непрацаздольнасці.
Праверыць, ці з’яўляецца ваш наймальнік добрасумленным плацельшчыкам страхавых узносаў, даволі проста. Для гэтага дастаткова звярнуцца ў раённы аддзел Фонду сацыяльнай абароны насельніцтва па месцы жыхарства з пашпартам і пасведчаннем дзяржаўнага сацыяльнага страхавання і атрымаць выпіску са свайго індывідуальнага асабістага рахунка. У выпісцы будзе адлюстравана тая зарплата, з якой былі выплачаны страхавыя ўзносы, яна ж будзе потым улічвацца пры назначэнні пенсіі.
Безумоўна, самастойна вызначаць і разлічваць асабістыя выгоды – права кожнага чалавека, аднак немалаважна і ў час падумаць пра будучае. Паверце, гэтае будучае вельмі хутка настае.
Т. ПРЭСНЯКОВА, начальнік райаддзела Фонду сацыяльнай абароны насельніцтва.
Надрукавана ў №57 ад 29.07.2014 г.