У нашым раёне сем экіпажаў камбайнераў-тысячнікаў.
Да экіпажаў Мікалая Карнілава і Віталя Слямнёва, Мікалая Жыгунова з ААТ “Прыазёрны мір”, Сяргея Гоманава і Васіля Маліноўскага, Яўгена Броўкіна і Мікалая Баранава, Міхаіла і Мікалая Кахтэнкаў з УП “Шумілінскі райаграсэрвіс” учора, 27 жніўня, далучыліся Аляксандр Скрыпкін з ААТ “Лаўжанскае” і Дзмітрый Бязрукаў з ААТ “Прыдзвінскі”.
Старшыня райкама прафсаюза работнікаў АПК А. В. Аляксеенка павіншаваў лідараў з тысячнымі намалотамі, уручыў грашовую прэмію, пажадаў далейшых поспехаў у рабоце.
На гэтым тыдні ў раёне да тысячнікаў-вадзіцеляў дадаліся Юрый Кавалеўскі з “Прыдзвінскага”, Сяргей і Мікалай Шармухі з “Прыазёрнага міру”, Сяргей Волкаў з “АграБаравінкі” і Аляксандр Лабейка з “Ульскага”. Віншуем!
Ларыса ЗАЙЦАВА.
Надрукавана ў № 67 ад 28.08.2015 г.