У Віцебску прайшоў абласны фінал рэспубліканскага турніру па футболе “Coca Cola. Уступай у гульню!”, арганізатарамі якога выступаюць Міністэрства адукацыі і Беларуская федэрацыя футболу. У спаборніцтвах бяруць удзел 12-14-гадовыя падлеткі.
Парадавалі сваім выступленнем дзяўчаты нашага раёна (трэнер – Аляксандр Ходзюш). Шумілінскія футбалісткі Яна Глушнёва, Анастасія Рагожкіна, Карына Пяткевіч, Валянціна Ходзюш, Ірына Варанцова (усе з Шумілінскай СШ №1), Наталля Калеснікава, Валерыя Кучарэнка (Слабадская школа), Валерыя Арцёменка (Мішневіцкая школа), Надзея Палікіна (Шумілінская СШ №2) і Лізавета Клямпач (Башнёўская СШ) паказалі на турніры яркую атакуючую гульню, перамаглі ва ўсіх сустрэчах і другі год запар выйгралі спаборніцтвы.
У складзе каманды нашага раёна лепшым бамбардзірам з пяццю галамі стала Лізавета Клямпач, тры галы на рахунку Ірыны Варанцовай, два – Надзеі Палікінай і адзін гол забіла Карына Пяткевіч.
Шумілінскія футбалісткі будуць абараняць гонар Прыдзвіння на фінале рэспубліканскага этапа “Coca Cola. Уступай у гульню!”, які пройдзе ў канцы мая.
Алесь САКАЛОЎ.
Кубак камандзе ўручае выканаўчы дырэктар абласной федэрацыі футболу Максім Клімовіч.
Надрукавана ў № 41 ад 27.05.2016 г.