Семь чудес Беларуси. Голосуем за шумилинские

Край шумілінскі Общество

Галасуем за шумілінскія цуды!
Праект “Сем цудаў Беларусі”, які праводзіць “Народная газета” сумесна з нашай рэдакцыяй, выходзіць на фінішную прамую. Дзякуючы нашым агульным намаганням, у галасаванні на першым этапе, якое завяршылася на сайце “НГ” www.ng.by на пачатку сакавіка, прыняло ўдзел больш за сорак тысяч наведвальнікаў. Падчас яго з кожнага раёна былі абраныя па некалькі аб’ектаў-пераможцаў, якія набралі найбольш галасоў. З нашага раёна ў гэты ганаровы спіс трапілі Вялікі камень, царква і святая крыніца…
З 15 сакавіка да 1 мая на сайце www.ng.by ідзе наступны этап галасавання – абласны. Аб’екты-пераможцы з кожнага раёна цяпер прэтэндуюць на перамогу ў ім і на выхад у рэспубліканскі этап, які будзе праводзіцца на сайце з 15 мая да 1 ліпеня. Тады і вызначацца самыя-самыя, што могуць з гордасцю звацца ЦУДАМІ Беларусі.
Шанцы прагучаць на ўсю краіну ў кожнага раёна роўныя. Усё залежыць ад нашай актыўнасці і патрыятызму, шаноўныя землякі, бо абірацца фіналісты будуць па колькасці аддадзеных за іх галасоў і набраных імі балаў. А хто будзе галасаваць за наш раён, як не мы з вамі!?
Спадзяёмся, раўнадушных у гэтым своеасаблівым спаборніцтве не будзе. А стаць яго паўнапраўным удзельнікам можа кожны, хто мае доступ у Інтэрнет. Дастаткова зайсці на сайт “Народнай газеты” www.ng.by, клікнуць на ссылку “Сем цудаў Беларусі”, знайсці там сваю вобласць, а ў ёй – свой раён і выставіць прапануемым аб’ектам адзнаку па сямібальнай шкале. (Ніхто не асудзіць, калі паставіце ўсім – сямёркі).
Нагадваем яшчэ раз: галасаванне будзе доўжыцца да 1 мая. А з 15 мая пачнецца наступны этап – рэспубліканскі. Аб’екты тых раёнаў, якія ў яго трапяць, будуць прэтэндаваць на званне ЦУДА БЕЛАРУСІ і стануць вядомыя на ўсю краіну. Ці будуць у гэтым пачэсным спісе нашы мясціны – залежыць толькі ад нас з вамі!
Надрукавана ў №27 ад 12.04.2011 г.



Добавить комментарий

Ваш адрес email не будет опубликован. Обязательные поля помечены *