Сёння дэлегацыя Шумілінскага раёна адправілася ў Віцебск, дзе адбудуцца выбары членаў Савета Рэспублікі Нацыянальнага сходу Рэспублікі Беларусь шостага склікання.
Нагадаем, што выбары членаў Савета Рэспублікі праводзяцца на агульным пасяджэнні дэпутатаў базавага ўзроўню. Ад кожнай вобласці і ад г. Мінска выбіраецца па 8 сенатараў, яшчэ 8 чалавек прызначае Прэзідэнт краіны.
На сумесным пасяджэнні прэзідыўма раённага Савета дэпутатаў і раённага выканаўчага камітэта кандыдатам у члены Савета Рэспублікі быў вылучаны старшыня Полацкага райвыканкама Мікалай Мікалаевіч Шэўчук. Кандыдатуру М. М. Шаўчука падтрымалі таксама ў Полацкім, Расонскім і Ушацкім раёнах.