Спартыўная школа запрашае на валейбол, лёгкую атлетыку і барацьбу
Новы навучальны год пачаўся і ў Шумілінскай дзіцяча-юнацкай спартыўнай школе. Тут працуюць аддзяленні па валейболе, грэка-рымскай барацьбе і лёгкай атлетыцы. Спартыўную школу наведваюць больш за 260 дзяцей.
Летам у школе быў зроблены рамонт, што не толькі стварыла больш камфортныя ўмовы для знаходжання тут дзетак, але і для прыёму шматлікіх гасцей з усёй Беларусі і суседніх краін. У зале ДзЮСШ праводзяцца міжнародныя турніры, нашы спартсмены пастаянна праслаўляюць родную Шуміліншыну гучнымі перамогамі.
Сёлета ў школу прыйшлі працаваць маладыя спецыялісты, якія ў свой час менавіта тут захапіліся спортам. Сёння ўжо яны набіраюць малодшых школьнікаў у свае групы.
Ганна Белавусава набірае другаклашак
Уладзіслаў Вязіцкі запрашае вучняў 3-6 класаў
у аддзяленне лёгкай атлетыкі на бегавыя віды.
Пад кіраўніцтвам Яўгена Асташонка будзе працаваць
група па грэка-рымскай барацьбе ў Башнёўскай школе.
Новы набор у групу па валейболе ў Обалі робіць
вопытны трэнер Людміла Харкавец.
Прыводзьце дзяцей у спорт!
Наталля ЧАРНІЧЭНКА.
Надрукавана ў №75 ад 23.09.2016 г.