Под опекой Веры Борисевич из «Улльского» 250 теляток

Яе цяляты “як лялечкі”
Дырэктар КУСГП “Ульскі” Валянціна Лабейка вельмі задаволена, што не памылілася, калі амаль два гады таму прапанавала былой даярцы Веры Іванаўне Барысевіч памяняць прафесію і стаць цялятніцай фермы Кардон. “Даглядаць групу дарошчвання, дзе знаходзіцца 250 цялятак – гэта вельмі адказна, –  кажа Валянціна Уладзіміраўна. – Тут трэба не проста ўважлівасць, вялікую ролю грае вопыт і нават інтуіцыя. А наша Вера Іванаўна  нават па знешнім выглядзе жывёлы можа вызначыць, ці хворая яна, у якім настроі”.
У групе Веры Барысевіч цяляты ”як лялечкі”. Сытыя, чыстыя, укормленыя  – у гэтым мы пераканаліся самі. Цялятніца выкарыстоўвае спецыяльную схему выпойвання маладняку, дае жывёле і камбікорм, і сена, і сянаж.  Затое ёсць аддача і добрыя вынікі навідавоку – сярэднясутачныя прывагі жывёлы складаюць 600-650 грамаў.
Ларыса КІСЯЛЁВА.
Надрукавана ў №90 ад 18.11.2016 г.