Зварот Шумілінскай раённай арганізацыі прафсаюза работнікаў АПК
да ўдзельнікаў жніва
Паважаныя хлебаробы! Праца на зямлі нялёгкая. Да таго ж, надвор’е ніколі не песціла сялян. Многа непрыемных сюрпрызаў прынесла яна земляробам і ў гэтым годзе. У няпростых умовах ваша ўменне і старанне працаваць сталі вызначальнымі ў фарміраванні ўраджаю 2017 года.
Сёння ў вашых руках не толькі лёс ураджаю, але і харчовая бяспека краіны, дабрабыт вашых сем’яў і ўсіх працаўнікоў сяла. Раённы камітэт Беларускага прафсаюза работнікаў аграпрамысловага комплексу заклікае вас актыўна ўключацца ў працоўнае спаборніцтва, дэманстраваць прыклады прафесійнага майстэрства, беражліва адносіцца да тэхнікі, эканоміць гаруча-змазачныя матэрыялы, рацыянальна выкарыстоўваць рабочы час. Памятайце: ад вас залежыць, якім будзе хлебны каравай краіны.
У той жа час заклікаем вас да ўмацавання дысцыпліны і да строгага выканання ўсіх патрабаванняў аховы працы. Не забывайце: вы патрэбны сваім дзецям і сем’ям жывымі і здаровымі.
Часу на раскачку няма. Наша агульная задача – завяршыць уборку ў аптымальны тэрмін. Раённы камітэт прафсаюза выказвае ўпэўненасць, што вы паспяхова справіцеся з пастаўленай задачай.
Няхай і надалей пачэсная праца будзе на карысць Радзіме і вашаму дому.
Надрукавана ў №61 ад 08.08.2017 г.