Дмитрий Борисевич отлично спел «Берёзы»

Культура Новости Общество

Дзмітрый Барысевіч разам з супрацоўнікам ТЦСАН Таццянай Іваноўскай.

Дыплом трэцяй ступені

Дыплом трэцяй ступені прывёз 29-гадовы жыхар аграгарадка Кардон Дзмітрый Барысевіч з абласнога свята-конкурсу творчасці інвалідаў, якое прайшло ў аўторак у Віцебскай абласной філармоніі. Дзмітрый, які з’яўляецца падапечным Тэрытарыяльнага цэнтра сацыяльнага абслугоўвання насельніцтва, падрыхтаваў на конкурс песню “Бярозы” з рэпертуара групы “Любэ”, скарыў журы і быў адзначаны дыпломам у намінацыі “Вакальна-харавыя спевы”.
Арганізатарамі свята-конкурсу творчасці інвалідаў выступілі Віцебскі аблвыканкам, упраўленне культуры аблвыканкама, камітэт па працы, занятасці і сацыяльнай абароне аблвыканкама, абласная арганізацыя Беларускага таварыства Чырвонага крыжа, Віцебскае аддзяленне грамадскага аб’яднання “Беларускі фонд міру”, Віцебская абласная філармонія і ВДУ імя П. М. Машэрава. Асноўная мэта мерапрыемства  – стымуляванне развіцця мастацкай творчасці людзей з абмежаванымі магчымасцямі як сродак іх рэабілітацыі і сацыяльнай адаптацыі.
Алена КАРПУШЭНКА.
Надрукавана ў №95 ад 07.12.2019 г.