Прынялі прысягу
У Бешанковіцкім раёне праходзяць зборы ваеннаабавязаных, якія прызначаюцца для тэрытарыяльных войск. У вучэннях бяруць удзел 25 шумілінцаў.
Як паведаміў намеснік ваеннага камісара АРВК Ігар Аляксееў, у нядзелю пяцёра шумілінцаў: старшы лейтэнант Аляксей Гарэленкаў (на здымку), радавыя Сяргей Стадольнік, Дзяніс Багданаў, Цімур Джангаліеў і Юрый Жыжоў – далі клятву на вернасць народу Рэспублікі Беларусь – прынялі Ваенную прысягу. Урачыстасці прайшлі на цэнтральнай плошчы ў Бешанковічах. Дарэчы, перад прысягай ваенны камісар АРВК Андрэй Савіч павіншаваў шумілінскіх хлопцаў з 75-годдзем вызвалення Шумілінскага раёна і ўручыў ім сцяг раёна.
Алесь САКАЛОЎ.
Надрукавана ў №49 ад 25.06.2019 г.
