Ірына Кулікава – у ліку лепшых грамадскіх эколагаў Віцебшчыны
Падведзены вынікі абласнога этапа рэспубліканскага конкурсу на лепшага грамадскага эколага, на які было пададзена 18 заявак. Прыемна адзначыць, што ў ліку пераможцаў – наша зямлячка Ірына Кулікава, грамадскі эколаг Шумілінскай раённай інспекцыі прыродных рэсурсаў і аховы навакольнага асяроддзя, намеснік дырэктара па вучэбнай рабоце раённай гімназіі, старшыня праўлення ГА “ЭкаБум”. Ёй прысуджана другое месца.
Пры разглядзе матэрыялаў улічваліся садзейнічанне грамадскіх эколагаў у рабоце мясцовых інспекцый прыродных рэсурсаў і аховы навакольнага асяроддзя ў правядзенні прыродаахоўных мерапрыемстваў, удзеле ў распаўсюджванні экалагічнай інфармацыі, прапагандзе і выхаванні ў грамадзян беражлівых адносін да прыроды, павышэнні іх экалагічнай культуры.
Віншуем Ірыну Кулікаву з заслужанай узнагародай і жадаем перамогі на рэспубліканскім этапе!
Надрукавана ў №43 ад 05.06.2020 г.