Дапамога да пачатку навучальнага года
Да новага навучальнага года мнагадзетным сем’ям са сродкаў раённага бюджэту будзе аказана аднаразовая матэрыяльная дапамога на кожнага вучня, які вучыцца ва ўстановах агульнай сярэдняй і спецыяльнай адукацыі. Рашэнне «Аб мерах сацыяльнай падтрымкі да 2022/2023 навучальнага года мнагадзетных сямей» прыняў Шумілінскі раённы Савет дэпутатаў 28 чэрвеня 2022 года. Размер дапамогі складзе 30% бюджэту пражытачнага мінімуму ў сярэднім на душу насельніцтва, які будзе дзейнічаць на 1 жніўня.
Як расказала загадчыца аддзялення сацы-
яльнай адаптацыі і рэабілітацыі Тэрытары-
яльнага цэнтра сацыяльнага абслугоўвання насельніцтва Наталля Юрчанкова, матэрыяльная дапамога будзе прадастаўляцца згодна з рэгістрацыяй па месцы жыхарства на падставе: асабістай заявы аднаго з бацькоў; дакумента, якія сведчыць асобу заяўніка; даведкі пра месца жыхарства і склад сям’і; даведак з устаноў адукацыі аб навучанні на кожнага вучня (з указаннем класа на 1 верасня 2022 года); пасведчання мнагадзетнай сям’і (копія і арыгінал); выпіскі банкаўскага рахунка Беларусбанка (на імя заяўніка), на які будзе пералічана выплата.
Выплата дапамогі не прадугледжана на дзяцей, якія вучацца ў прафесійна-тэхнічных, сярэдніх спецыяльных і вышэйшых навучальных установах.
Дакументы да 31 жніўня прымаюцца па адрасе: г. п. Шуміліна, вул. Юбілейная, д. 8, Тэрытарыяльны цэнтр сацыяльнага абслугоўвання насельніцтва. Час работы цэнтра – з 8.00 да 13.00 і з 14.00 да 17.00, выхадныя – субота і нядзеля. Тэлефон для даведак 5 71 88.
Алена КАРПУШЭНКА.
