Катэгорый стала больш
Згодна з пастановай Міністэрства сельскай гаспадаркі і харчавання Рэспублікі Беларусь № 67 ад 22 чэрвеня 2022 года ўстаноўлена, што пры абмене пасведчанняў на права кіравання колавым трактарам, самаходнай машынай, прадастаўляюцца іншыя катэгорыі.
«Пры наяўнасці правоў катэгорыі «А» (колавытрактар) у новае пасведчанне трактарыста-машыніста запісваюцца катэгорыі «А», «В» і «С», –расказаў галоўны дзяржаўны інспектар па наглядзе за тэхнічным станам машын і абсталявання райсельгасхарчу Сяргей Пантаплёў. – Калі мелася катэгорыя «В», то чалавек прэтэндуе на «А», «В» і «D».
Пры наяўнасці права на кіраванне гусенічным трактарам і бульдозерам з катэгорыяй «С» прадастаўляюцца правы катэгорый «А», «В» і «С» (кіраванне колавым трактарам, самаходнай машынай).
Пры абмене правоў з катэгорыяй «D» у новым дакуменце будуць пазначаны катэгорыі «А», «В» і «F».
Правы катэгорыі Е (дарожна-будаўнічыя і іншыя самаходныя машыны) абменьваюцца на правы катэгорый «А», «В», «С», «Е».
Калі ёсць права кіраваць аднакаўшовым экскаватарам, спецыялізаваным пагрузчыкам («F»), то ў правы запісваюцца катэгорыі «А», «В», «С», «Е».
Катэгорыі колавых трактароў і самаходных машын
«А» –снегабалотаходы колавыя малагабарытныя, снегаходы, мотаўсюдыходы з аўтамабільнай пасадкай.
«В» –колавыя трактары, самаходныя машыны з рухавіком, магутнасцю да 25,7 кілават.
«С» –колавыя трактары, самаходныя машыны з рухавіком магутнасцю ад 25,7 да 80 кілават.
«D» –колавыя трактары з рухавіком магутнасцю звыш 80 кілават.
«Е» –самаходныя машыны з рухавіком магутнасцю звыш 80 кілават (акрамя самаходных машын сельскагаспадарчага прызначэння).
«F» –самаходныя машыны сельскагаспадарчага прызначэння з рухавіком магутнасцю звыш 80 кілават.
Ларыса КІСЯЛЁВА.
