УБОРКА ЗЯМЛІ ОБАЛЬСКАЙ
18 красавіка, якраз у Міжнародны дзень помнікаў і гістарычных месцаў у мястэчку Обаль Шумілінскага раёна прайшла вялікая ўборка зямлі, гістарычная ўборка – менавіта так абазначыў добраўпарадкаванне вядомага помніка сядзібна-паркавай культуры XIX стагоддзя дырэктар мясцовай школы Аляксандр Штокін. Вучні, работнікі Обальскага керамічнага завода, студэнты Полацкага дзяржаўнага ўніверсітэта, якія, дарэчы, сталі ініцыятарамі акцыі, у гэты дзень шчыра і з непадробным энтузіязмам працавалі на аб’екце.
